БОҒОТ ТУМАНИ ТАНЛОВДА ҒОЛИБ БЎЛДИ

Муҳтарам Президентимиз ташаббуси билан ташкил қилинган «Тоза ҳудуд» ДУКларининг фаолияти ўрганилиб баҳоланди. Ўзбекистон Республикаси Экология ва атроф-муҳитни муҳофаза қилиш давлат қўмитасининг санитар тозалашга ихтисослаштирилган корхоналари ўртасида «Энг намунали корхона», «Энг намунали ҳайдовчи ва юкловчи» йўналишлари бўйича корхонанинг маъмурий биноси, автогаражлари, филиал бошлиқларининг олиб бораётган ишлари юзасидан тайёрлаган фотолавҳали слайдлари, чиқинди ташиш полигонлари, хизматлар учун тўловларнинг ўз вақтида амалга оширилиши даражаси танлов ҳайъати томонидан ўрганилди. Хоразм вилояти Боғот тумани «Тоза ҳудуд»ДУК корхонаси «Энг намунали корхона» йўналишида 2 000 000 сўм билан, «Энг намунали ҳайдовчи ва юкловчи» йўналиши бўйича 5 000 000 сўм пул билан мукофотландилар. Хоразм вилояти «Тоза ҳудуд» ДУК Боғот туман филиали иккита номинацияси бўйича ҳам ғолиб бўлиб, Республика босқичида қатнашиш ҳуқуқини қўлга киритдилар. Боғот тумани ҳокими ўринбосари Р.Шарипов «Тоза ҳудуд» Боғот тумани филиали ходимларини Республика босқичида ҳам ғолиб бўлишларини тилаб, аҳил, ҳамжиҳат жамоага совғаларни топширди.Биз ҳам туманимизнинг янада тоза, гўзал бўлишида тиниб-тинчимаётган ғолиб жамоага куч-ғайрат, бундан ҳам улкан муваффақиятлар тилаймиз! https://youtu.be/uNmvof6ulaU