17 НОЯБРЬ – «ХАЛҚАРО ТАЛАБАЛАР КУНИ»

17 НОЯБРЬ – «ХАЛҚАРО ТАЛАБАЛАР КУНИ» муносабати билан талабалик бахтига мушарраф бўлган Боғотлик шижоатли ёшларни самимий қутлаймиз! Ҳа, дарҳақиқат бугун ёшлик хушчақчақлик байрами, собиқ талабалик даврлар эсланадиган кун. Азиз замондошим, ушбу куннинг тарихи ҳақида нималарни биласиз?! Бу куннинг тарихи иккинчи жаҳон уруши вақтида Чехославакияда бошланган фожеали воқеаларга боғлиқ. Хусусан, 1939 йил 17 ноябр куни эрталаб гестапочилар ва эсэсчилар талабалар ётоқхонасини ўраб олдилар. 1200 дан ортиқ талабалар ҳибсга олиниб, Заксенхаузен концлагерига қамалганлар. 9 та талабалар ҳаракатининг фаоллари Рузине районидаги қамоқ деворлари орасида, судсиз ўлдирилган. Бундан ташқари, урушнинг охиригача Чехиядаги ҳамма олий ўқув юртлари ёпилган. Бу воқеаларга асосланиб, бутундунё талабалар конгрессида халқаро талабалар кунини ўтказиш белгиланган. Ҳозирга келиб, дунёнинг кўпгина давлатлари бу байрам кенг нишонланмоқда.