“20 минг тадбиркор — 500 минг малакали мутахассис” дастури

Мамлакатимизда камбағалликни қисқартириш ва бандликни таъминлаш мақсадида “20 минг тадбиркор — 500 минг малакали мутахассис” дастури амалга оширилмоқда. Бугун вилоят ҳокими Жўрабек Рахимов бизнес вакилларини ушбу дастур билан яқиндан таништириш ва унда фаол иштирок этишларини таъминлаш мақсадида Боғот, Хонқа, Янгиариқ туманлари тадбиркорлари билан учрашди. Мулоқот жараёнида мазкур дастур орқали тадбиркорларга берилаётган имтиёз ва енгилликлар ҳақида батафсил маълумот берилиб, учрашув қатнашчиларининг саволларига жавоб қайтарилди.