ISSIQXONALARDA ISHLAR QIZGʻIN

Bog‘ot tumanida  48 ta tadbirkorlik sub’yektlariga zamonaviy turdagi issiqxonalar takshil qilish uchun jami 173.4 gektar yer maydonlari ajratib berilgan. Shu jumladan 36 ta tadbirkorlik sub’yektlari tomonidan 104 gektar maydonlarda issiqxonalar qurilib ishga tushirilgan.Shuningdek, faoliyat yuritib turgan issiqxonalardan 34 tasining 90,4 gektar yer maydonlariga sabzavot ekinlari ekilgan. Jumladan, 65,2 gektar pomidor, 22,2 gektar bodring va 3 gektar boshqa ekinlar ekilgan.Ushbu maydonlardan mavsum davomida 8 ming 370 tonnadan ortiq sabzavot maxsulotlari yetishtirilishi ko‘zda tutilgan. Siz lavhalarda ko‘rayotgan «Nozima Fayz MCHJ»ga qarashli issiqxonada ayni damda pomidor Rossiya davlatiga eksport qilinmoqda. Issiqxona ish boshqaruvchisi Shakarjon Bobojonova hosildor pomidorning shifobaxshligi haqida gapirar ekan, tadbirkorlarga yaratilayotgan imkoniyatlar uchun Prezidentimizdan minnatdor ekanliklarini bildirdi. Bog‘ot tumani hokimligi axborot xizmati