Bog'ot tumanida rejalashtirilgan investitsiya loyihalari

Bugun Bog'ot tumani hokimligida “Bog‘ot tumanida amalga oshirilishi rejalashtirilgan investitsiya loyihalari” mavzusida jurnalist va blogerlar, keng jamoatchilik vakillari hamda sohaga aloqador mutasaddi rahbarlar ishtirokida matbuot anjumani o‘tkazildi. Matbuot anjumanida ishtirok etgan tuman hokimining oʻrinbosari — investitsiyalar va tashqi savdo boʻlimi boshligʻi Nurbek Qalandarov bugungi kunda tumanimizda amalga oshirilayotgan investitsiya loyihalari, kelgusida amalga oshirilishi rejalashtirilgan loyihalar haqida ishtirokchilarga ma'lumot berdi. Jumladan, ayni kunlarda xizmat safari bilan Xitoyda bo'lib turgan tuman hokimi Jahongir Nazarov boshchiligidagi Bog'ot tumani delegatsiyasining Xitoyga tashrifi hamda xitoylik ishbilarmonlar muzokaralar haqida ham ma'lumot berildi. Muloqot davomida yig'ilganlar mavzu yuzasidan o'zlarini qiziqtirgan barcha savollarga tegishli tashkilot vakillari hamda mutasaddi rahbarlardan javob oldilar.