Front orti mehnat faxriylariga ehtirom koʻrsatildi

Tuman hokimi Jahongir Nazarov 9-may “Xotira va qadrlash kuni” bayrami arafasida front orti mehnat faxriylari — Mehnat guli mahallasida yashovchi 95 yoshli Sotliq ona Yusupova hamda Bog‘zor mahallasida istiqomat qiluvchi 97 yoshli Roviya Boltayevalarning xonadonida bo‘lib, ularga Ikkinchi jahon urushining ogʻir sinovli yillarida hamda undan keyingi davrda bugungi avlodning farovon yashashi uchun koʻrsatgan jasorat va matonatlari uchun alohida hurmat va eʼtibor koʻrsatib, bayram sovg‘alarini topshirdi. Faxriylarimiz koʻrsatilgan gʻamxoʻrlikdan xursand boʻlib, yurtimizning tinchligi va farovonligini soʻrab duoga qo'l ochdilar. Shuningdek, tuman hokimi xizmat burchini bajarish chog‘ida halok bo‘lgan harbiy xizmatchi Faxriddin Masharipovning xonadonida ham bo‘lib, oila a’zolari, farzandlari bilan suhbatlashdi hamda yurt himoyasi yo‘lida o‘z jonini qurbon qilgan vatanning sodiq va mard farzandi haqidagi iliq xotiralarni esga oldilar.