Tumanimizda pilla topshirish mavsumi boshlandi

Bog‘otlik pillakorlar joriy yilda 4283 quti ipak urug’larini parvarishlab, 275 tonna "kumush tola" yetishtirishni maqsad qilishgan. Tumanning eng ilg’or va tashabbuskor pillakorlari bu yil viloyatimizda birinchilar qatorida pilla topshirishni rejalashtirishgan. Ayni vaqtda mazkur jarayonlar uyushqoqlikda va jadallikda davom ettirilmoqda.
“Bogʻot Silk Co” MCHJ korxonasida tashkil etilgan “pilla karvoni”da tuman hokimi Jahongir Nazarov va tajribali mutaxassislar so‘zga chiqib, pilla xom ashyosini qisqa muddatlarda yigʻib-terib olish choralarini koʻrish bo‘yicha o‘z tavsiyalarini berdilar. Shundan so‘ng nuroniy otaxonlarning oq fotixasi bilan pilla topshirish mavsumi boshlandi.