Bog‘ot tumani hokimi xorijda mehnat qilayotgan yoshlar bilan onlayn muloqot o‘tkazdi

Bugun Bog‘ot tumani hokimi Jahongir Nazarov, sektor rahbarlari, tegishli tashkilot vakillari hamda xorijiy mamlakatlarda mehnat qilayotgan yoshlar ishtirokida onlayn muloqot tashkil etildi. Videokonferensiya aloqa shaklida bo‘lib o‘tgan mazkur uchrashuvda ayni kunda Rossiya Federatsiyasida istiqomat qilayotgan 22 nafar bog‘otlik mehnat migrantlari ishtirok etdi. Jarayonda tumandoshlarimiz tomonidan koʻtarilgan masalalar, muammolarni ijobiy hal etish, zarur hollarda, huquqiy yordam koʻrsatish yuzasidan mutasaddilarga koʻrsatma va topshiriqlar berildi. Har bir murojaat shaxsan tuman rahbari tomonidan qatʼiy nazoratga olindi hamda bu kabi muloqotlar formatini saqlagan holda ishtirokchilarni kengroq jalb etish va muntazam ravishda o'tkazib borish belgilandi.