Bog'ot tumani aholi xonadonlari hamda dehqon xoʻjaliklarida toʻqsonbosti ekinlar ekilib, yuqori daromad olinmoqda. Tumandagi mahallalarda yashovchi fuqarolar va dehqon xoʻjalik egalari oʻz tomorqa va dehqon xoʻjalik maydonlaridan samarali foydalanib, yuqori daromad olish uchun piyoz, ismaloq, sarimsoq piyoz va boshqa ekinlar ekishgan. Ushbu jarayonlarda Fermer, dehqon xoʻjaliklari va tomorqa yer egalari kengashi Bog'ot tumani boʻlimi rahbar xodimlari tomonidan fuqarolarga amaliy yordamlar koʻrsatib kelinmoqda.
