СУҒОРИШ МЕЪЁРИНИ БИЛАСИЗМИ?

СУҒОРИШ МЕЪЁРИНИ БИЛАСИЗМИ? «Қанча кўп сув қуйсанг шунча ҳосил кўп бўлади» деган тамойил тўғрими? Боғот туманида миришкор деҳқонлар, фермерлар ҳар бир дақиқадан унумли фойдаланиб ҳосилга ҳосил қўшиш учун ғўза парваришидаги меъёрларга риоя қилишларини сўраймиз. Меъёридан ортиқча сув бериш ноўрин сувни йўқотишга, тупроқдаги озуқа элементлари ва минерал ўғитларни ювилиб кетишига, тупроқни зичланиб сув-физик хоссаларини ёмонлашувига, суғоришдан кейин тупроққа ишлов беришни қийинлаштиришга ва натижада суғориш сонини 1-2 марта ошиб кетишига олиб келади. Суғоришдан олдин қуйидаги барча таёргарлик ишлари амалга оширилишини тавсия қиламиз. Жумладан, ариқлар тозаланган, гидротехник иншоотлар таъмирланган, суғориш жиҳози шай ҳолга келтирилган қўлда кўчирилувчи тўсиқлар, трубалар, полиэтилен пленкалар, чим, фонуслар, далада ўқариқлар олинган, ёввойи ўтлардан тозаланган, ўғитлар солинган бўлиши кераклигини тавсия этамиз.Боғот тумани ҳокимлиги бош мутахассиси М.Хусаинов