БОҒОТ ТУМАНИ ҲОКИМИ ШАВКАТ ЯХШИБАЕВНИНГ БОҒОТЛИКЛАРГА М У Р О Ж А А Т И

БОҒОТ ТУМАНИ ҲОКИМИ ШАВКАТ ЯХШИБАЕВНИНГ БОҒОТЛИКЛАРГА М У Р О Ж А А Т И Ассалому алайкум азиз Боғотликлар! Нафақат юртимиз балки бутун дунё учун синовли бўлган ушбу кунларда Ўзингизни ва яқинларингизни асранг!Шифокорларимизнинг ҳар бир сўзига қулоқ тутайлик!Фидойилик билан бугунги кунларда, ҳаётларини хавфга қўйиб, ишда қолиб хизмат вазифаларини бажараётган инсонларимиз учун, қолаверса "Бутун Ўзбекистон халқи ҳамжиҳатликда вакцинация орқали касаллик балосидан қутилиб, тез кунларда бу синовли кунлардан ғалаба билан чиқамиз, биргаликда вирусни енгамиз!», деб бутун халқни ташвишларини ўз елкасига ортиб тортаётган муҳтарам Президентимиз учун ва энг асосийси ўзимиз ва яқинларимиз учун КАРАНТИН коидаларига тўлиқ риоя қилайлик!Қўлимиздан келгунча аҳолига тушинтириш ишларини олиб борайлик. Туманимизнинг барча аҳолисига касалликни тўлиқ коронавирусга қарши эмланиш орқали енгишимиз мумкин эканлигини янада кўпроқ тарғибот этайлик!Хушёр бўлайлик, ёнгинамизда, маҳалламизда, кўчамизда кимдир бу шароитда қийналиб колмасин, қўлимиздан келганча хабар олайлик, хўжа кўрсинга эмас чин дилдан қилайлик бу савоб ишларни. Илтимос, кўчага тиббий ниқоб ва антисептик воситасиз чиқманг!Ўзини асраганни Аллоҳ ҳам асрайди. Халқимиз бирлашса ҳеч бир касаллик, ҳеч қачон юртимизда устунлик қила олмайди. Умид ва ишонч ҳеч биримизни тарк этмасин! Бу синовли кунлар албатта ортда қолади. Биз биргаликда бу кунларда яна ва яна маҳкамроқ жипслашамиз!Азиз Боғотликлар, ватандошлар!Ўзимизнинг ва яқинларимизнинг соғлиғини сақлашда ҳаммамиз бир тану бир жон бўлайлик! Боғот тумани ҳокими Шавкат Яхшибаев Боғот тумани ҳокимлиги ахборот хизмати.