ВАКЦИНА ОЛИШ ҲАМ ШАХСИЙ ҲАМ ЖАМОАВИЙ МАСАЛАДИР

АЗИЗ ЁШЛАР! Ижтимоий тармоқларда вакцинация жараёни билан боғлиқ салбий хабарларга кўзимиз тушиб турибди. Бундай хабарлар кўпроқ одамларни ваҳимага солиб, шу орқали ўзининг хайпчиларини кўпайтириш ниятида бўлганлар томонидан тарқалмоқда. Бундай шов-шувларга ишонманг!Коронавирус ҳақиқатан ҳам барчамиз учун синов бўлди. Ҳали ўн гулидан бир гули очилмаган ёшгина йигит-қизлар ҳаётига ҳам чанг солди. Орамиздан юртнинг кўзга кўринган санъаткору олимлари, зиёлиларини ҳам олиб кетди. Энди вакцина бўла туриб, вирусга таслим бўлишга ҳаққимиз йўқ. Бу касалликка ҳаммамиз бирдек оммавий эмлансаккина уни енгишимиз мумкин. Шундай экан инфекцияга қарши эмлаш тадбирларида фаол қатнашинг, мутахассислар тавсиясига амал қилинг. Эмлаш ҳар қандай эпидемияга олиб келувчи касалликларнинг энг самарали профилактикасидир. Мен вакцина олдим. Азиз дўстим сиз вакцина олдингизми?