УЧ АВЛОД УЧРАШУВИ

Бугун Боғот туманидаги «Истиқлол» истироҳат боғида Мустақиллигимизнинг 30 йиллиги муносабати билан «Уч авлод учрашуви» тадбири ташкил этилди. Тадбирга узоқ йиллар самарали меҳнат қилиб, ҳозирда кексалик гаштини сураётган фахрийлар, бугунги кунда туманимиз равнақига катта ҳисса қўшаётган фаол ўрта ёшлар ҳамда буюк келажак сари олға қадам ташлаётган иқтидорли ёшлар таклиф қилинди. Тадбир аввалида туман ҳокими Шавкат Яхшибаев сўзга чиқиб, барчани яқинлашиб келаётган Мустақиллигимизнинг 30 йиллиги билан табриклаб, туманда олиб борилаётган ислоҳотлар ва ўзгаришлар ҳақида тўхталиб ўтди.