Чемпион оиласида шодиёна

Учқун Қуронбоев бунгача чорак финалда дзюдо ватани вакили - япониялик Южиро Сето (10:0), ярим финалда украиналик Давид Хорова (10:1) устидан иппон баҳоси билан зафар қучган эди. Учқуннинг отаси Умрбек Аҳмедов, онаси Руҳият Матназарова, мураббийлари Шавкат Машарипов, Алфия Ибрагимованинг ҳаяжони, қувончи чексиз! Хоразм вилояти ва Боғот тумани ҳокимлиги вакиллари, оиланинг яқинлари, қўни-қўшнилари, мухлислар чемпионнинг ҳовлисига ташриф буюриб ушбу улкан ғалаба билан муборакбод этдилар.