Мактабларда ўқув йили 6 сентябрдан тўлиқ анъанавий бошланади, гибрид шаклдан бутунлай воз кечилди — Халқ таълими вазири

Шерзод Шерматов бу йил дарслар гибрид тарзда (ҳам онлайн, ҳам офлайн) бўлмаслигини маълум қилди. Бу ўтган йили ўзини оқламаган, жиноятчилик кўпайган. Қолаверса, ХТВ ўтказган сўровномада қатнашган 94 фоиз ота-она ўқув йили анъанавий бўлишини хоҳлашини билдирган. Параллел равишда телевидение орқали коронавирусга чалиниб қолган болалар, карантинга ёпилиши мумкин бўлган мактаб ўқувчилари учун онлайн дарслар ҳам бериб борилади. Қизларга мактабларга рўмол ҳамда дўппиларда боришга рухсат берилди.