БОҒОТЛИК ЁШ ИСТЕЪДОДЛАР ЎЗБЕКИСТОН ХАЛҚ ЁЗУВЧИСИ, «САРИҚ ДЕВНИ МИНИБ» АСАРИ МУЛЛИФИ ХУДОЙБЕРДИ ТЎХТАБОЕВ ТОМОНИДАН ЭЪТИРОФ ЭТИЛДИ

Боғот туманида адабиётга ошуфта қалблар, дилидагини оқ қоғозга айта оладиган истеъдодлар сафи кундан кунга кўпаймоқда. Бундай иқтидор эгаларининг муваффақиятларида меҳрибон устозларининг, уларга барча шароитларни муҳайё қилаётган мактаб раҳбарининг кучли эътиборининг самараси эканини айтсак, муболаға бўлмайди. Чунки болажонларни руҳиятига, қобилиятига қараб тўғри йўналтира олиш ҳам, ноёб қобилиятини юзага чиқариш ҳам устознинг моҳирлигига боғлиқ бўлади.Шарофат Аллаберганова раҳбарлик қилаётган 3-сон мактабнинг бошланғич синф ўқувчилари Республикада эгаллаган муваффақиятлари фикримизнинг далилидир. Мазкур мактабнинг 3-синф ўқувчилари Одилбекова Дармонжон ва Раззоқов Умиджонлар 15 февраль куни пойтахтда ўтказилган «Мен эшитган эртаклар» Республика танловида ўзи ёзган эртак билан қатнашиб, эътироф этилдилар ва диплом билан қайтдилар.