Расмий муносабат

Ижтимоий тармоқларда «Боғот тумани Нурафшон маҳалласининг қишда лой, ёзда чанг кўчалари нега назардан четда қолди? Пуллар қаерга кетди?» мавзусида тарқалтилган видеомурожаат ўрганилиб чиқилди. Боғот тумани прокуратураси томонидан аниқланишича 20.06.2023 йилда «Хоразм минтақавий йўлларга буюртмачи хизмати» ДУК билан «Хива шаҳар минтақавий йўллардан фойдаланиш» УК ўртасида Нурафшон шаҳарчасининг Широқ, Иноят, Қурувчилар кўчаларининг 5,1 км. ички хўжалик йўлларига асьфалт ётқизиш бўйича пудрат шартномаси тузилган. Шартномада кўрсатилган муддатга кўра, жорий йилнинг 30 сентябрида ички йўлларни таъмирлаш ишлари тугатилиши белгиланган. Ҳозирги кунда объектнинг 2,1 км. йўлларига асьфалт ётқизиш ишлари якунланган, қолган 1,5 км. йўллари асфалть ётқизишга тайёрлаб қўйилган. Мазкур объектнинг сифатли ва тўлиқ бажарилиши ҳамда ўз вақтида фойдаланишга топширилиши туман прокуратураси томонидан назоратга олинганлигини билдирамиз.@bogottumanihokimligikananali Izoh qolidrish