Rasmiy munosabat
Ijtimoiy tarmoqlarda tarqalgan Bog'ot tumani Bog'zor mahallasida yashovchi fuqaro Abdukarimov Rustam tomonidan bolalar nafaqasi bo'yicha yo'llangan murojaat bo'yicha quyidagilarni ma'lum qilamiz.
Oʻzbekiston Respublikasi Vazirlar Mahkamasining 2021-yil 21-oktabrdagi “Aholini ijtimoiy himoya qilish tizimini yanada takomillashtirish chora-tadbirlari toʻgʻrisida”gi 654-sonli Qarori bilan tasdiqlangan Nizom talablariga muvofiq kam taʼminlangan oilalar bolalari uchun nafaqa va kam taʼminlangan oilalarga moddiy yordam tayinlash va toʻlash tartibi “Ijtimoiy himoya yagona reestri” axborot tizimi orqali amalga oshirish belgilangan. Bugungi kunda oilani kam taʼminlangan deb eʼtirof etish hamda ularga bolalar nafaqasi va moddiy yordamni tayinlash va toʻlash “Yagona reyestr” axborot tizimi orqali inson omilisiz (inson ishtirokisiz) avtomatik ravishda amalga oshiriladi. Shunga ko'ra, Abdukarimov Rustam tomonidan kam taʼminlangan oilalarga bolalar nafaqasi tayinlash uchun taqdim qilingan ariza “Yagona reyestr” axborot tizimida inson omilisiz avtomatik ravishda koʻrib chiqilgan hamda rad etilgan.
Shuningdek, bugungi kunda Bog'ot tumanidagi tabiiy gazdan uzilgan mahallalarda yashovchi fuqarolar uchun reja-grafik asosida "Koʻmir taʼminot” MCHJ Bogʻot tuman filialida hech qanday cheklovlarsiz ko'mir yoqilg'isi sotilayotganini ma'lum qilamiz.
Bog'ot tumani hokimligi matbuot xizmati
Bosh sahifaga qaytish
