Rasmiy munosabat

Ijtimoiy tarmoqlarda Bog’ot tumani Gulzor mahallasida “Tashabbusli budjet” doirasida ichki ko’chalarni asfalt yotqizishga tayyorlash jarayoni sifatsiz amalga oshirilayotgani haqida tarqalgan xabarlar haqiqatga to’g’ri kelmaydi. Bugungi kunda Gulzor mahallasidagi Turkiston ko’chasida “Tashabbusli budjet” doirasida asfalt yotqizish ishlariga tayyorgarlik jarayonlari olib borilmoqda. Biroq jarayonlar hali to'liq yakuniga yetmasidan ayrim ijtimoiy tarmoq faollari "ishlar sifatsiz bajarilmoqda" mazmunida noto'g'ri xabarlar tarqatmoqda.