Rasmiy munosabat

Ijtimoiy tarmoqlarda Bog'ot tumanida "Toza hudud" DUK tomonidan chiqindilar o'z vaqtida olib ketilmayotgani haqida tarqalgan xabarlar yuzasidan quyidagilarni ma'lum qilamiz.

Ancha yillardan buyon Bog'ot tumanida faoliyat yuritib kelgan chiqindi poligoni yopilgani sababli, chiqindilar Yangiariq tumanidagi chiqindi poligoniga olib ketilayotganligi sababli chiqindilar o'z vaqtida yig'ib olinmayotgani aholi vakillarining e'tiroziga sabab bo'lmoqda. Bugungi kunda Bog'ot tumanida yangidan chiqindi poligoni qurilayotganini hamda tez kunda ishga tushirilishini ma'lum qilamiz. O'z navbatida ijtimoiy tarmoqlar orqali tarqalgan olib ketilmayotgan chiqindilar haqidagi xabarlar tegishli mas'ullar tomonidan ijobiy tomonga bartaraf qilinganini ma'lum qilamiz.