ЖАЖЖИ БОЛАЖОНЛАР -- ТАНЛОВ ҒОЛИБИ

Жажжи болажонларнинг ширин тилларида айтилаётган шеърлар, табриклар, тайёрланган видеолавҳалар ҳайъат аъзоларини ҳайрон қолдирди. Танловда тумандаги 7- сон ДМТТ тарбияланувчиси Шавкатов Шоҳрузбек, 14- сон ДМТТ тарбияланувчиси Шерматбоев Элшодбек, 4- сон ДМТТ тарбияланувчилари Кенжаева Азизахон ва Кенжаев Азизбеклар, 3-сон ДМТТ тарбиячиси Санобар Ибрагимова, «Саодатжон Роҳатжон» хусусий боғчаси тарбияланувчиси Бобожонов Машҳурбеклар ғолиб бўлдилар. Ғолибларни тақдирлаш жараёнида ижодий жамоамиз билан боғчаларга бориб болажонлар билан уларнинг устозлари билан суҳбатлашдик. «Саодатжон Роҳатжон» НМТТ да кўзларидан шижоат чақнаб турган, савол берсангиз жиддий кулиб жавоб берадиган болажон Бобожонов Машҳурбек билан суҳбатимиз давомида унинг 31 июль 2015 йилда Боғот тумани Наврўз маҳалласида туғилганини, Машҳурбек ментал арифметикасига қизиқиши, бундан ташқари шеър ёд олишга, шахмат ўйнашга қизиқишини ўзининг ширин сўзларидан эшитиб янги Ўзбекистонимиз келажаги эгаларининг нақадар кучли ва билимли бўлиб улғаяётганини кўриб қувондик.. Унинг ҳарактер ҳусусияти оғир босиқ, камгап, ҳамда куюнувчан экан, келажакда юртимизга керакли инсон бўлиб етишиб, орзуси прокурор бўлиш, ойисининг ягона суянган тоғи эканини билдирди. Болажонларнинг фикрлаш қобилиятини кўриб, давлатимиз раҳбарининг оқилона, доно ва келажакни ўйлаб амалга ошираётган сиёсатларининг натижаси боғчадан бошланганига гувоҳ бўлдик. Барча ғолиб бўлган қатнашчиларга туман ҳокими Шавкат Яхшибаев томонидан берилган фахрий ёрлиқларни ва чиройли ўйинчоқ айиқчаларни карантин қоидаларига қатъий риоя қилган ҳолда Боғот тумани МТБ шўъба мудири Шаҳноза Матёқубова топширди. ҒОЛИБ БОЛАЖОНЛАРНИ КИЧКИНА ЁШИДА ЭРИШГАН КАТТА МУВАФФАҚИЯТЛАРИ БИЛАН САМИМИЙ МУБОРАКБОД ЭТАМИЗ! Izoh qolidrish