ҚИНҒИР ИШ - КЕЛТИРАР ТАШВИШ
ҚИНҒИР ИШ - КЕЛТИРАР ТАШВИШ Боғотлик Умарбек Рўзимов (исм-фамилияси ўзгартирилган) 4 нафар фарзанднинг отаси бўлиб, Қозоғистон Республикасининг Атирау шаҳрида ишлаб, оиласи билан тинчгина яшаб келаётган эди.
2021 йилнинг ноябрь ойларида Ўзбекистонга даволаниш мақсадида қайтган Умарбек 2022 йилнинг январь ойларида яна Қозоғистонга қайтмоқчи бўлади ва 2022 йил 17 январь куни Ўзбекистон Республикасидан валюта қимматликларини олиб чиқиш тартибини олдиндан билсада, олдиндан тайёлаб қўйган белбоғ (пояси)нинг ич қисмидаги чўнтакларига жами 22.900 АҚШ долларини божхона декларациясида кўрсатмасдан, Ўзбекистон Республикаси божхона назоратидан яшириб, “Урганч-Актау” йўналишидаги DV 820-сонли авиарейс билан Қозоғистон Республикасига олиб чиқаётганлигида, унинг қинғирлиги божхона хизмати ходимлари томонидан аниқланади.
Тергов органи томонидан У.Рўзимовнинг божхона назоратини четлаб ёки божхона назоратидан яшириб декларациясиз жуда кўп миқдордаги моддий қимматликларни Ўзбекистон Республикасининг божхона чегарасидан ўтказишда ифодаланган жиноий ҳаракатлари Ўзбекистон Республикаси ЖК 182-моддаси 2-қисмининг “а” банди билан баҳоланади.
Жиноят ишлари бўйича Боғот туман судининг 09.06.2022 йилдаги ҳукми билан У.Рўзимов Ўзбекистон Республикаси ЖКнинг 182-моддаси 2-қисмининг “а” банди билан айбли деб топилиб, базавий ҳисоблаш миқдори 270.000 сўмнинг 130 баравари миқдорида яъни, 35.100.000 (ўттиз беш миллион бир юз минг) сўм жарима жазоси тайинланди.
Шунингдек, 22.900 (йигирма икки минг тўққиз юз) АҚШ доллари давлат фойдасига мусодара қилиниши белгиланди.
Қонунни четлаб ўтишга ҳаракат қилиш ҳеч қачон яхшиликка олиб келмайди.Жиноят ишлари бўйичаБоғот туман судининг раисиҲ.Р.Саидов
Bosh sahifaga qaytish
