ПРЕЗИДЕНТИМИЗГА РАҲМАТ, ЮРТБОШИМДАН АЙЛАНАЙ!

ПРЕЗИДЕНТИМИЗГА РАҲМАТ, ЮРТБОШИМДАН АЙЛАНАЙ! Боғот туманида бошланган ободлик ва бунёдкорлик ишлари қисқа муддатда улкан ўзгаришлар ясамоқда. Туман бўйлаб 25,5 километр ички йўлларни таъмирлаш, қум- шағал аралашмаси ётқизиш ишлари жадал давом қилмоқда. -Биз яшайдиган кўча йўллари жудаям ачинарли ҳолатда эди. Мен уйимда уй боғча очган эдим. Аммо кўчамиздаги жажжи болажонларнинг ёзда чангга, қишда лойга ботиб келишини кўриб, қачонлар бизнинг йўлимиз, кўчаларимиз равон ва текис бўлар экан, деб ич- ичимиздан болажонларнинг оналари билан қийналиб ўйланар эдик. Мана ҳозир севинчимнинг чегараси йўқ, қувониб кўзларимга ёш олдим. Аввало, ана шундай ислоҳотлар учун Президентимиздан миннатдормиз, бутун маҳалла оналари баралла Президентимиздан миннатдор бўлиб, юртбошимдан айланай, дея қувончлари олам-олам бўлмоқда, -дейди «Нурафшон» маҳалласидан Ойгул опа Ўданова. Ислоҳотлардан хурсанд бўлган хотин-қизлар ҳайдовчиларни иссиққина кофе, чой ва бўғирсоқлар билан сийладилар. Боғот тумани ҳокимлиги матбуот хизмати   Izoh qolidrish