КУЗ-ҚИШ МАВСУМИГА ТАЙЁРГАРЛИК!!!

КУЗ-ҚИШ МАВСУМИГА ТАЙЁРГАРЛИК:камчиликлар, муаммолар, ечимлар Қиш мавсумининг беталафот, кўнгилдагидек ўтиши ҳамжиҳатликда қилинаётган саъй-ҳаракатларга боғлиқ.Ушбу долзарб мавзу юзасидан туман ҳокими раҳбарлигида иқтисодиёт тармоқлари ва ижтимоий соҳалар биноларини 2022-2023 йиллар куз-қиш даврида барқарор ишлашга тайёрлаш масалалари юзасидан аппарат йиғилиши ўтказилди. Хўш, Боғот туманида белгиланган вазифалар ижроси, бажарилаётган ишлар сифати қандай? Туман ҳокими Шавкат Яхшибаев ижтимоий соҳа объектларидаги иссиқлик, ичимлик суви, электр энергияси, табиий газ таъминоти тизимларини мавсумга тайёргарлик ҳолати, кўмир заҳирасининг қай ҳолатда сақланаётганини ўрганди ва масъуллар билан муҳокама этди.– Қишнинг ҳар бир куни – синов. Мавсумни беталафот ўтказиш эса унга қанчалик пухта ҳозирлик кўрилганига, тайёргарлик ишларининг нечоғлик сифатли бажарилганлигига боғлиқ – деди туман раҳбари. – Буни бугун ҳар биримиз бир зум бўлса-да, ёддан кўтармаслигимиз, тайёргарликни белгиланган муддатда пишиқ-пухта қилишимиз керак. Шундагина қишни хавотирларсиз ўтказамиз. Бугун ҳоким тумандаги «Янги қадам» маҳалласида жойлашган 12- сон МТТда ва 4- сон мактабда бўлди. Муассасаларнинг куз- қиш мавсумига тайёргарлик жараёнида йўл қўйилган камчиликларни кўриб, мутасаддилар фаолиятидаги сускашликларни кескин танқид қилди ҳамда аниқланган камчилик ва муаммоларни қисқа муддатларда бартараф этиш вазифаларини топширди. Қиш эшик қоқиб кириб келмоқда. Сиз қишни кутиб олишга тайёрмисиз?! БОҒОТ ТУМАНИ ҲОКИМЛИГИ АХБОРОТ ХИЗМАТИ.   Izoh qolidrish