ҚИШЛОҚ ХЎЖАЛИГИ ХОДИМЛАРИ КУНИ КЕНГ НИШОНЛАНМОҚДА

Мамлакатимизда ҳар йили декабрь ойининг иккинчи якшанбаси Қишлоқ хўжалиги ходимлари куни сифатида байрам қилинади. Сана муносабати билан бугун тумандаги «Истамбул» тантаналар уйида қишлоқ хўжалиги ходимлари иштирокида байрам тадбири ўтказилди. Туман ҳокими Жаҳонгир Назаров жорий йилда  қишлоқ хўжалиги соҳасида эришилган ютуқлар ҳақида тўхталиб, барчани байрам билан самимий муборакбод этди. Байрам муносабати билан қишлоқ хўжалиги ходимларининг меҳнати сектор раҳбарлари томонидан яна бир бор эътироф этилиб, илғорлар муносиб рағбатлантирилди. Вилоятимиздан келган хушовоз санъаткорларнинг ҳамда туман Маданият уйи хонандалари ижросидаги концерт дастури барчага кўтаринки кайфият бағишлади. Байрам тадбирида вилоят ҳокими ўринбосари Ботиржон Саидов иштирок этиб, барча қишлоқ хўжалиги соҳаси вакилларини, элдошларимизни байрамлар билан самимий муборакбод этди.       Боғот тумани ҳокимлиги ахборот хизмати     Izoh qolidrish