Вилоят ҳокими Жўрабек Рахимов Боғот туманида барпо этилган IT-паркни бориб кўрди.

Давлатимиз раҳбари 2023 йилда вилоятимизга ташрифи давомида IT-паркнинг Хоразм филиали фаолияти билан танишиб, бундай марказларни вилоятнинг барча шаҳар ва туманларида ташкил этиш бўйича топшириқ берган эди. Ушбу топшириқ ижросини таъминлаш мақсадида бугунги кунда вилоятнинг барча шаҳар ва туманларида IT- парклар ташкил этилиб, босқичма-босқич фаолияти йўлга қўйилмоқда. Бугун вилоят ҳокими Жўрабек Рахимов Боғот туманида барпо этилган IT-паркни бориб кўрди. Яқин кунлар ичида ўз фаолиятини бошлайдиган ушбу маскан ёшларга рақамли технологиялар йўналишида таълим бериш, ушбу соҳада компаниялар ташкил этиш, стартап лойиҳаларни амалиётга жорий қилиш, фрилансерлик, IT аутсорсинг йўналишида фаолият юритиш, IT экспорти билан шуғулланиш ва жаҳон IT бозорига чиқишга имкон яратади. Izoh qolidrish