“BIR HUDUD -- BIR MAHSULOT” TAMOYILI AMALDA

Bugun Bog‘ot tumanida dehqon xo‘jaliklarining kooperatsiyasi - hamkorlik faoliyatini kuchaytirish hamda ilg‘or tajribalarni almashish borasida ko‘rgazmali amaliy seminari o‘tkazildi. Seminarda O‘zbekiston Respublikasi Oliy Majlisi Qonunchilik palatasi Spikerining o‘rinbosari, palatadagi Tadbirkorlar va ishbilarmonlar harakati O‘zbekiston Liberal demokratik partiyasi fraksiyasi rahbari Aktam Haitov Bog‘otlik agrar soha vakillariga soha rivoji bo‘yicha batafsil ma’lumotlar berdi. Mazkur tadbir Bog‘ot tumani hokimligi, O‘zbekiston fermer dehqon xo‘jaliklari va tomorqa yer egalari Kengashi, O‘simliklar himoyasi va karantini agentligi tomonidan tashkil etildi. Seminarda Bog‘ot tumanida “Bir hudud - bir mahsulot” tamoyili asosida dehqon xo‘jaliklari faoliyatini tashkil etish borasidagi ishlar, eksportbop mahsulotlarni yetishtirish tajribalari namoyish etildi. “Azimboy, Azamat, Azizbek” fermer xo‘jaligi dala shiyponida seminar kun tartibidagi masalalar yuzasidan taqdimot o‘tkazildi. Bunda Bog‘ot tumani misolida dehqon xo‘jaliklarini sifatli urug‘liklar bilan ta’minlash, eksportchi - agregatorlar bilan hamkorligini yo‘lga qo‘yish masalalari ham muhokama etildi. Shuningdek, seminar ishtirokchilariga O‘zbekiston Respublikasi Prezidentining PQ-373son qaroriga muvofiqdehqon xo‘jaliklarini tashkil etish bilan oziq-ovqat xavfsizligini ta’minlash, eksport salohiyatini oshirish, kooperatsiya tamoyillari asosida eksportbop ekinlarni oqilona joylashtirish, kafolatli xarid qilish masalalari tushuntirildi. Кamolbek Ro‘zmatov,Bog‘ot tumani Fermer, dehqon xo‘jaliklari va tomorqa er egalari Kengashi raisi Izoh qolidrish