Maktablarda so‘nggi qo‘ng‘iroq yangradi
Joriy oʻquv yili yakunlanishi munosabati bilan Bog‘ot tumanidagi olimpiya va milliy sport turlariga ixtisoslashtirilgan maktab internati hamda 92-son ixtisoslashtirilgan maktab internatlarida oʻtkazilgan tadbirlarda tuman hokimi Jahongir Nazarov qatnashib, Prezidentimizning umumtaʼlim maktablari bitiruvchilariga yoʻllagan tabrigini oʻqib eshittirdi. Tuman hokimi ushbu oʻquv yilida tumanimizda xalq taʼlimi sohasida erishilgan yutuqlarga toʻxtalib, mustaqil hayotga qadam qoʻyayotgan yigit-qizlarga kelgusida oʻzlari tanlagan sohaning yetuk mutaxassislari boʻlib, jamiyatda oʻz oʻrniga ega boʻlgan, yurt ravnaqiga munosib hissa qoʻshadigan insonlar boʻlib kamol topishini tiladi. Shuningdek, tadbir yakunida oʻquv yilida yuqori natijalarga erishgan oʻquvchilar, ustozlar va ota-onalar tuman hokimining tashakkurnomalari bilan taqdirlandilar.
Bosh sahifaga qaytish
