Sayyor qabul

Xalq bilan muloqotda bo‘lish, fuqarolarning taklif va murojaatlarini tinglash maqsadida joylarda o‘tkazib kelinayotgan sayyor qabullar mavjud iqtisodiy-maishiy muammolarga yechim topishda muhim ahamiyat kasb etmoqda. Tuman hokimi Jahongir Nazarovning Navbahor mahallasida o‘tkazgan navbatdagi sayyor qabuli ham ko‘plab fuqarolar murojaatlariga yechim topishda xalq bilan tashkil etilgan amaliy ochiq muloqot bo‘ldi. Xalq qabulxonasi bilan hamkorlikda o‘tkazilgan sayyor qabulda tuman 1-sektor rahbariga tumanning turli hududlaridan kelgan 27 nafar fuqaro turli ijtimoiy masalalarda murojaat qilishdi. Har bir murojaat tegishli soha mutaxassislarini jalb qilgan holda oʻrganilib, qonuniy hal qilish, fuqarolarga amaliy yordam berish choralari koʻrildi. Ma’lumot uchun, aholi muammolarini eshitish va ularni hal qilish, tashabbuslarini qo‘llab-quvvatlash maqsadida har haftaning payshanba kuni tuman hokimi Jahongir Nazarovning fuqarolar uchun sayyor qabuli o‘tkaziladi.