Kuzgi bug'doy ekishga kirishildi

Joriy yil gʻalladan ulkan xirmon koʻtargan bog‘otlik dehqonlar kelgusi yil hosili uchun kuzgi bugʻdoy ekish ishlarini boshlab yubordi. “O‘zbekiston” hududidagi “Abrorbek” fermer xo‘jaligiga qarashli dalalarda tumanimiz bobodehqonlarining 2025-yilgi g‘alla hosili uchun kuzgi bug‘doy ekishga bag‘ishlangan amaliy seminari bo‘lib o‘tdi. Seminarda ishtirok etgan tuman hokimi Jahongir Nazarov, sektor rahbarlari, qishloq xo‘jaligi mutaxassislari mavsumoldi ekin yerlari va texnikalarni shay holatga keltirish, mineral oʻgʻit va urugʻliklarni tayyorlash, mavsum doirasida amalga oshiriladigan chora-tadbirlarni uyushqoqlik bilan o‘z vaqtida sifatli bajarish lozimligini ta’kidladilar. Shundan so‘ng tuman hokimi Jahongir Nazarov, sektor rahbarlari, bir guruh nuroniylar va tajribali mutaxassislar ezgu niyatlar bilan kuzgi bug‘doy ekishni boshlab berdilar. Ma’lumot uchun, tumanda 2025-yil hosili uchun 3 ming gektar maydonga bug’doy ekish rejalashtirilgan.
Izoh qolidrish