Tikuv mashinalari topshirildi

Bugungi kunda Bog‘ot tumanida xotin-qizlarning bandligini ta’minlash, ularni har tomonlama qo‘llab-quvvatlash bo‘yicha ko‘plab ijobiy ishlar amalga oshirilmoqda. Xususan, bugun tuman hokimi Jahongir Nazarov “Yoshlar daftari” hamda “Ayollar daftari”da turuvchi 100 nafar xotin-qizlarga ularning murojaatlari bo‘yicha subsidiya asosida 100 ta tikuv mashinalarini topshirdi. Tuman hokimi xotin-qizlar va ularning ota-onalari bilan suhbatda ishsiz fuqarolarning bandligini taʼminlash va ijtimoiy qoʻllab-quvvatlash bugungi davlat siyosatining eng ustuvor yo‘nalishlaridan biri ekanligini taʼkidlab, berilgan imkoniyatlardan oqilona foydalangan holda oilalarga qo‘shimcha daromad topish bo‘yicha bir qator tavsiyalar berdi.