Kambag‘allikdan farovonlik sari

Bugun tuman hokimi Jahongir Nazarov rahbarligida “Kambag‘allikdan farovonlik sari” dasturi doirasida qilingan ishlar hamda kelgusida amalga oshiriladigan chora-tadbirlar yuzasidan muhokama yig‘ilishi bo‘lib o‘tdi. Muhokamada tumandagi tashkilot rahbarlari hamda mahalla yettiligi a’zolari ishtirok etishdi. Tuman rahbari Jahongir Nazarov har bir rahbar oʻziga biriktirilgan kambagʻal oila bilan individual shugʻullanishi, ular barqaror daromadga kirguncha faol ravishda ish olib borishi shartligini taʼkidlab, tumanda aholini kambag‘allikdan chiqarish, bandligini ta’minlash, ehtiyojmand oilalar turmush tarzini yaxshilash, bir so‘z bilan aytganda, hududni kambag‘allikdan holi hududga aylantirish borasida shu vaqtgacha amalga oshirilgan ishlar borasida to‘xtaldi. Yig‘ilish yakunida aniqlangan kamchiliklarni bartaraf etish, ishlar samaradorligini yanada oshirish yuzasidan kelgusidagi maqsad va rejalar, kerakli chora-tadbirlar belgilab olindi.