Tuman hokimi bunyodkorlik ishlari bilan tanishdi

Ayni paytda “Bog’ot tuman yoʻllardan foydalanish unitar korxonasi” tomonidan uzoq vaqtdan beri taʼmirtalab ahvolda bo’lgan Oltinqum shaharchasidagi Sobit qadam koʻchasida yangidan asfalt qoplamasi yotqizish ishlari olib borilmoqda. Tuman hokimi Jahongir Nazarov mazkur hududga borib, amalga oshirilayotgan ishlar bilan yaqindan tanishdi hamda ishlarni toʻgʻri tashkil etish yuzasidan mutasaddilarga ko’rsatma va topshiriqlar berdi. Shuningdek, tuman rahbari mahallada istiqomat qiluvchi fuqarolar bilan suhbatda mahalla ahlini, mazkur ko’chadan harakatlanuvchi haydovchilarning bir necha yildan buyon qiynab kelayotgan ichki yo`llar bilan bog`liq muammosi bugun ijobiy yechim topayotganini alohida ta’kidladi. Bugungi kunda tumanning ko`plab hududlarida bunyodkorlik ishlari davom etmoqda.