Tibbiyot xodimlari kuni nishonlandi

Mamlakatimizda 2006-yildan beri noyabr oyining ikkinchi yakshanbasi - Tibbiyot xodimlari kuni sifatida nishonlanib kelinadi. Shu munosabati bilan tuman hokimligida bayram tadbiri bo‘lib o‘tdi. Tadbirda so‘z olgan tuman hokimi Jahongir Nazarov xalqimiz salomatligini himoya qilishdek sharafli yoʻlda fidokorona mehnat qilayotgan soha xodimlarini kasb bayramlari bilan samimiy qutladi. Tadbirda tuman ijtimoiy hayotida faollik va tashabbuskorlik koʻrsatgan, oʻzining samarali mehnati bilan tumanimizda aholi salomatligini muhofaza qilishga, sogʻlom turmush tarzi tamoyillarini keng joriy etishga va tibbiy madaniyatni oshirishga salmoqli hissa qoʻshib kelayotgan tibbiyot sohasi xodimlari tuman hokimining tashakkurnomasi va esdalik sovgʻalari bilan taqdirlandilar.