Yashil makon-2024

Bogʻot tumanida  “Yashil makon” umummilliy loyihasi doirasida kuzgi koʻchat ekish tadbirlarini tashkil qilish masalalariga bagʻishlangan  koʻrgazmali amaliy seminar oʻtkazildi. Seminarda viloyat hokimi Joʻrabek Raximov qatnashib, koʻchat ekish tadbirlariga alohida masʼuliyat bilan yondoshish, ekilgan koʻchatlarni parvarishlash, sugʻorish tizimini yoʻlga qoʻyish, “Mahalla bogʻi”, “Yashil jamoat parki” kabi yashil hududlarni barpo etish  xususida toʻxtaldi. Maʼlumot uchun, manzilli dastur boʻyicha joriy yil kuzda viloyatimizda 5,4 mln dona mevali va manzarali daraxt koʻchatlarini oʻtqazish rejalashtirilgan.