Yoshi ulug' otaxonlarga hurmat ko'rsatildi

Yurtimizda keksa avlod vakillarini har tomonlama qoʻllab-quvvatlash, jamiyat hayotidagi faol ishtirokini kengaytirish, ularning boʻsh vaqtini mazmunli tashkil etish, nuroniylarning ijtimoiy faolligini oshirishga qaratilgan keng koʻlamli tashabbuslar amalga oshirilmoqda. Vazirlar Mahkamasining tegishli qaroriga asosan yurtimizda har yili noyabr oyi – “Keksalar uchun turizm oyligi” deb eʼlon qilingan. Shu munosabati bilan tuman hokimligi tomonidan uzoq yillar davomida turli sohalarda elga xizmat qilgan, endilikda boy mehnat tajribasi, hayotiy hikmatlari bilan jamiyat taraqqiyotiga hissa qoʻshayotgan bir guruh nuroniy otaxonlar uchun tumanimizning diqqatga sazovor joylariga hamda yangi ishga tushirilgan ijtimoiy soha obyektlariga sayohat tashkil etildi. Tadbirlar yakunida tashkillashtirilgan to‘kin dasturxon atrofida nuroniy otaxonlar duoga qoʻl ochib, yurtimiz tinchligi, xalqimiz farovonligini tiladilar.