Bogʻot tumani markaziga yangi yil archasi oʻrnatildi

2024-yil kirib kelishiga sanoqli kunlar qoldi va Bogʻot tumanida ham bayram tantanalarini keng nishonlashga puxta tayyorgarlik koʻrilgan. Tuman aholisi va mehmonlari, ayniqsa bolajonlarga bayram kayfiyatini ulashish maqsadida tuman markazidagi Istiqlol madaniyat va itirohat bogʻiga 24 metrlik Yangi yil archasi oʻrnatildi. Maydonning oʻzi esa bayram illyuminatsiyalari bilan bezatilgan. Archa atrofida Yangi yil tadbirlari, konsert dasturlari ham boʻlib oʻtmoqda. Barcha yurtdoshlarimizni Yangi yil shukuhidan bahramand boʻlishga chorlab qolamiz!