Sog'lom hayot uchun besh ming qadam

Mamlakatimizda Muhtaram yurtboshimiz va hukumat qarorlari asosida jismoniy tarbiya va sportni  rivojlantirish, aholi o‘rtasida sog‘lom turmush tarzini shakllantirish maqsadida keng miqyosdagi tadbirlar amalga oshirilmoqda. "Sog‘lom hayot uchun 5000 qadam" shiori  ostida joylarda piyoda  yurish bo‘yicha o‘tkazilayotgan tadbirlar ham shular jumlasidandir. Bog'ot tumanida ham erta tongdan O‘zbekiston mahallalari uyushmasi Bog'ot tumani bo‘limi hamda Bolalar va o‘smirlar sport maktabi bilan hamkorlikda "Sog‘lom hayot uchun 5000 qadam" shiori ostida piyoda yurish, shaxmat, shashka, tennis kabi sport tadbirlari o‘tkazildi. Unda tuman nuroniylari, faollar va yoshlar ishtirok etdi.