Xalq deputatlari Bog‘ot tuman Kengashining to‘rtinchi sessiyasi

Bugun xalq deputatlari Bog‘ot tuman Kengashining to‘rtinchi sessiyasi bo‘lib o‘tdi. Sessiyada tuman hokimi Jahongir Nazarov ham ishtirok etdi. Sessiya kun tartibiga Bog‘ot tumanining 2025-yilgi mahalliy budjetini tasdiqlash, yuridik va jismoniy shaxslarning qishloq xo‘jaligiga mo‘ljallanmagan yerlariga 2025-yil uchun yer solig‘i stavkalarini belgilash, murojaatlar bilan ishlash holati, yoshlarga oid davlat siyosati sohasida amalga oshirilgan ishlarning ahvoli hamda boshqa masalalar kiritildi. Shuningdek, sessiyada kun tartibidagi masalalar bo‘yicha mas’ul rahbarlarning hisobotlari ham eshitildi. Deputatlar tomonidan bildirilgan taklif va mulohazalardan so‘ng sessiyada koʻrib chiqilgan masalalar boʻyicha tegishli qarorlar qabul qilindi. Sessiya tuman hokimligining ijtimoiy tarmoqdagi sahifalari orqali jonli translyatsiya qilindi.