Bog’ot tumanida bayram shukuhi

Shu kunlarda butun mamlakatimizda bo'lgani kabi Bog'ot tumanida ham Yangi yil shukuhi kezmoqda. Ko'ngillarga quvonch va shodlik olib keluvchi bir-biridan yorqin tadbirlar allaqachon boshlanib ketgan. Bugun Bog’ot tumanida Yangi yil munosabati bilan ko‘tarinki kayfiyatda 400 nafarga yaqin qorbobo va qorqizlar ishtirokida "Qorbobolar Paradi" o‘tkazildi. Bayram paradi O’zbekiston ko‘chasidan boshlanib, Istiqlol istirohat va madaniyat bog'ida o'rnatilgan tumanning bosh archasi joylashgan bayram maydonigacha davom etdi. "Qorbobolar Paradi" tumanning bayramona tantanalari va quvonchiga o‘zgacha rang-baranglik bag‘ishladi. Paradning yakuni konsert dasturiga ulanib, tuman aholisi va mehmonlari uchun unutilmas zavq ulashdi. O’z navbatida tuman aholisi va mehmonlari ushbu tadbirdan chinakam bayramona kayfiyatni his etib, uni yuqori kayfiyatda qarshi olishdi.