Tuman hokimi 1-sektor hududidagi mahalla yettiligi a'zolari bilan uchrashdi

«2025-yilda mahallalarda xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida»gi prezident qarori qabul qilindi. Bugun tuman hokimi 1-sektor rahbari Jahongir Nazarov sektor hududidagi mahalla yettiligiga mazkur qarorning ijrosi bo‘yicha qilinishi lozim bo‘lgan ishlarni belgilab olish yuzasidan uchrashuv o‘tkazdi. Qarorga ko‘ra, mas’ul idoralar va muassasalar uchun 2025 yilda «Har bir mahallada huquqbuzarliklarning barvaqt oldini olish» ustuvor vazifa etib belgilangan. Shuningdek, mahallalarda huquqbuzarliklarning oldini olishga qaratilgan bir qator yo‘l xaritalari hamda 2025-yilda mahallalarda xavfsiz muhit yaratish va huquqbuzarliklarning barvaqt oldini olish tizimining samaradorligini oshirish bo‘yicha galdagi vazifalar belgilab olindi.