Sayyor qabul

Bugun Navbahor mahallasida Bog‘ot tumani hokimi Jahongir Nazarovning fuqarolar uchun navbatdagi sayyor qabuli o‘tkazildi. Qabulda tumanimizning turli hududlaridan kelgan 19 nafar fuqaroning turar-joy, moddiy yordam, mahalladagi ichki yoʻllarni ta’mirlash, davolanish, bandlik, kadastr kabi qator masalalar yuzasidan murojaatlari tinglandi. Har bir murojaat tegishli soha mutaxassislari va tashkilotlar rahbarlarini jalb qilgan holda oʻrganilib, qonuniy hal qilish, fuqarolarga amaliy yordam berish, moddiy qoʻllab-quvvatlash bo‘yicha mutasaddilarga aniq topshiriqlar berildi.