Xalq deputatlari Bog‘ot tuman Kengashining oltinchi sessiyasi

Bugun xalq deputatlari Bog‘ot tuman Kengashining oltinchi sessiyasi bo‘lib o‘tdi. Sessiyada tuman hokimi Jahongir Nazarov ham ishtirok etdi. Sessiya kun tartibiga sektor rahbarlarining 2024-yil davomida tumanni ijtimoiy-iqtisodiy rivojlanishining eng muhim va dolzarb masalalari hamda ijtimoiy daftarlar asosida amalga oshirgan ishlari, 2024-yilda jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti, shuningdek, qishloq xo‘jaligiga mo‘ljallangan yer maydonlaridan samarali foydalanish, hududlarni ixtisoslashtirish, bo‘sh turgan zaxiradagi yer maydonlarini ochiq elektron tanlovga chiqarish bo‘yicha tayyorlangan loyihalarni ko‘rib chiqish va tasdiqlash masalalari kiritildi. Kun tartibidagi masalalar bo‘yicha mas’ul rahbarlarning hisobotlari eshitildi. Deputatlar tomonidan bildirilgan taklif va mulohazalardan so‘ng koʻrib chiqilgan masalalar boʻyicha tegishli qarorlar qabul qilindi.