Afg‘on urushi faxriylariga ehtirom ko‘rsatildi

Bugun Bog‘ot tumanida Afg‘onistonda harbiy harakatlarning to‘xtatilganligiga 36 yil to‘lishi munosabati bilan tadbir bo‘lib o‘tdi. Ko’plab o’zbek o’g’lonlarining umriga zomin bo’lgan Afg’on urushi 1979-yildan 1989-yilgacha davom etgan. Tumanimizdan ham ushbu harbiy harakatlarda 245 nafar jangchi-faxriylar mardonavor qatnashib, yurtimiz tinchligi uchun o‘zlarining beqiyos hissalarini qo‘shishgan. Tadbirda ishtirok etgan tuman hokimi Jahongir Nazarov afgʻon urushi qatnashchilarining davlat tinchligi yoʻlida koʻrsatgan fidokorona xizmatlari yosh avlod oldida har qancha ibratga arzigulik ekani xususida to‘xtaldi. Diltortar kuy va qoʻshiqlar yangragan bayram tadbirida, to‘kin dasturxon atrofida jam bo‘lgan tumandoshlarimiz duoga qoʻl ochib, yurtimiz tinchligi, xalqimiz farovonligini tiladilar.