Yangi masjid foydalanishga topshirildi

Ramazon oyi arafasida Bog‘ot tumani Nurafshon shaharchasida zamonaviy talablarga javob beradigan, barcha qulayliklarga ega bo‘lgan 4000 nafar namozxonlarga mo‘ljallangan “Darvesh bobo” jome masjidi foydalanishga topshirildi. Yangidan bunyod etilgan masjidning ochilish marosimida O‘zbekiston musulmonlar idorasi Xorazm viloyati vakili Xayrulla Abdullayev, tuman hokimi Jahongir Nazarov hamda keng jamoatchilik vakillari ishtirok etib, tuman aholisini masjid ochilishi bilan tabrikladilar. Masjid hududida zamonaviy tahoratxona, imom-xatib va boshqa xodimlar uchun barcha qulayliklarga ega ma'muriy bino hamda kutubxona ham mavjud.