Sayyor qabul

Bugun Madaniyat mahallasida tuman hokimi Jahongir Nazarovning fuqarolar uchun navbatdagi sayyor qabuli bo‘lib o‘tdi. Qabul davomida fuqarolarning moddiy yordam, ishga joylashish, bolalar nafaqasini tayinlash, ichki xo’jalik yo’llarini ta’mirlash kabi masalalar boʻyicha murojaatlari tinglandi va tegishli tashkilotlar vakillari ishtirokida oʻrganilib, amaliy yordam koʻrsatish choralari belgilandi. Zarur hollarda fuqarolarga murojaatlari boʻyicha huquqiy tushuntirishlar ham berildi. Ma’lumot uchun, har haftaning payshanba kuni mahallalarda tuman hokimi Jahongir Nazarovning fuqarolar uchun sayyor qabuli o‘tkaziladi.