Mahallalarda xavfsiz muhitni yaratish va huquqbuzarliklarning barvaqt oldini olish borasidagi ishlar muhokama qilindi

Mahallalarda xavfsiz muhitni yaratish va huquqbuzarliklarning barvaqt oldini olish borasidagi ishlar muhokama qilindi. Bugun tuman hokimligida tuman hokimi Jahongir Nazarov, sektor rahbarlari hamda “mahalla yettiligi” a’zolari ishtirokida Davlatimiz rahbarining joriy yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimini takomillashtirishga qaratilgan qarorining tumandagi ijrosiga bag‘ishlangan yig‘ilish bo‘lib o‘tdi. Muhokama davomida bu borada amalga oshirilgan ishlar sarhisob qilinib, batafsil tahlil qilindi. Yoshlar va ayollar o‘rtasida huquqbuzarliklarning barvaqt oldini olish, fuqarolarni kiberjinoyatchilar tuzog‘idan ogohlikka chaqirish chora-tadbirlarini kuchaytirish bo‘yicha galdagi rejalar belgilab olindi.