8-mart – Xalqaro xotin-qizlar bayrami keng nishonlandi

Bog‘ot tumanida 8-mart – Xalqaro xotin-qizlar kuniga bagʻishlangan bayram tadbiri boʻlib oʻtdi. Tadbirga tumanimizning barcha hududlaridan fan, taʼlim, tibbiyot, madaniyat, ishlab chiqarish va boshqa sohalarda mehnat qilib yuqori natijalarga erishib kelayotgan, ijtimoiy hayotda faol xotin-qizlar taklif etildi. Tumanimizning faol xotin-qizlari jam bo‘lgan tadbirda so‘z olgan tuman hokimi Jahongir Nazarov go‘zallik va nafosat timsoli bo‘lgan yurtimiz ayollarini, bog‘otlik xotin-qizlarni bayram bilan samimiy qutladi. Oila va jamiyatni mustahkamlash, yosh avlodni vatanparvarlik ruhida tarbiyalash borasidagi munosib xizmatlari uchun tumanimiz ayollarining bir guruhiga faxriy yorliq va esdalik sovg‘alari topshirildi. Bayram tantanalari konsert dasturi bilan davom etdi.