Tuman hokimi sport murabbiylari va sportchi yoshlar bilan uchrashdi

Tuman hokimi Jahongir Nazarov Bogʻot tumani olimpiya va milliy sport turlariga ixtisoslashtirilgan maktab internatida tumanimizda faoliyat yuritayotgan sport murabbiylari hamda shu yerda tahsil oluvchi sportchi yoshlar bilan uchrashdi. Muloqot chog‘ida sport murabbiylari faoliyatini davr talabi asosida tashkil etish, yoshlarni sportga qiziqishini oshirish, ommaviy sportni yangi bosqichga olib chiqish hamda aholi jismoniy faolligini oshirish, xalqaro musobaqalarda tumanimiz vakillarining munosib ishtirokini ta’minlash, xususan, 2028-yil Los-Anjelesda bo‘lib o‘tadigan Olimpiya va Paralimpiya o‘yinlariga tayyorgarlikni yana-da kuchaytirish masalalari muhokama qilindi. Shuningdek, muloqot davomida sportchi yoshlar va murabbiylarning muammoli masalalar yuzasidan murojaatlari tinglandi, taklif va tashabbuslari qo‘llab-quvvatlandi.