Sayyor qabul

Bugun To’pchi mahallasida tuman hokimi Jahongir Nazarovning navbatdagi sayyor qabuli o‘tkazildi. Sayyor qabulda tumanning turli hududlaridan kelgan 24 nafar fuqaro muammoli masalalar yuzasidan murojaat qildi. Jumladan, uy-joy ta’miri, subsidiya, moddiy yordam, davolanish, kredit, bandlik, kadastr hujjati, tadbirkorlik faoliyati bilan shug‘ullanish uchun yer ajratish kabi qator masalalar yuzasidan fuqarolarning murojaatlari tinglandi. Har bir murojaat tegishli soha mutaxassislarini jalb qilgan holda oʻrganilib, qonuniy hal qilish, fuqarolarga amaliy yordam berish choralari koʻrildi. Shuningdek, zarur hollarda murojaatchilarga tegishli masalalar yuzasidan huquqiy tushuntirishlar ham berildi.